Chin Hluttaw MP Pawl Upadi Lei Kan Chambau Deuh: MP Ni Sui Lian

| The Chin Journal | Hakha, Chin State

Amyotha Hluttaw le Pyituh Hluttaw (Pyidawngsuh Hluttaw) ah a tthumi Chin ramkulh aiawhtu Chin MP pawl hi upadi lei kap ah kan cham a bau deuh ko, tiah Pyituh Hluttaw MP Pi Ni Sui Lian nih The Chin Journal he biaruahnak a rak chim.

“Hluttaw hi abikin upadi tuahtu a si. Hlanlio Mirang chan upadi tuah/remh tthan ding a tam tuk. Kha bantuk lei ah khan Laimi ah hin upadi lei thiamnak a ngeimi kan rak tlawm tuk,” tiah a chim.

“Kei hna hi History Major ka si tik ah upadi lei ah hin a herh ko kan timi zong ka duhning in dikthlir tein ka chim kho ti lo. Kan chim hmanh ah kan chim khawhmi ahme tuk. Mah caah Democracy ram ah hin upadi fimthiamnak a ngeimi kan herh tuk timi ka lung a pem. Upadi lei thiamsang ngeih le ngeih lo kong ah hin cun Laimi hi kan rak chambau deuh ko,” tiah a chim chap.

Kanmahle kan peng kan tlang tthanchonak lei ah hin kan vung ttang cio i, NLD cozah nih Vice President zong a kan pek i, tthanchonak lei kap cu ka tlamtlinh khawh pah ko rua tiin ka ruah, tiah a MP Pi Ni Sui Lian nih a chim chap.

Latest News

News in Burmese