Chin Cozah Cu Chin Mipi Nih Kan Thimmi a Si a Herh| U Ngai Sak

| The Chin Journal | Hakha, Chin State

Chin ramkulh le Chin miphun pawl kan umn hmunram ah cun Chin miphun hna nih kan thimmi Chin miphun hruaitu hna nih a kan hruai a herh, tiah August 21 zaan ah CNLD Chairman U Ngai Sak nih Social Media hmang in a langhter.

“Mi Tlawm U a Simi Chin Miphun Nih Kan i Ralring Ding Hna” timi tlangtar in U Ngai Sak nih number 1-9 tiang aa telmi ramkhel lei hmuhning le dirhmun kong a langhter i Chinmi a kan uktu cu Chinmi bakbak nih kan thimmi an si a herh tiah a hun thlir hi a si.

“Chin miphun nih kanmah tein acozah kan ser lawng ah cu cozah nih Chin miphun mithmai a zoh lai. Chin miphun kong biapi ah a chiah lo ahcun a rian in thumh khawh zong a si,” tiah a langhter.

Chin ramkulh vuanci choh, vuanci pawl, upadizik, Hluttaw Chairman le Hluttaw Vice Chairman tibantuk pawl hi Chin miphun nih kan thimmi hna an si a herh.

Cu lawnglawng ah cun uknak lei tuanvo ngeitu nih Chin mipi biapi ah a kan chiah lai tuanvo lak duhnak lungput an ngei lai, tiah a langhter chap.

Latest News