Chief Minister Chimhhrin Awk ah Ka Ra Tiah Daw Aung San Suu Kyi nih a Chim

| The Chin Journal | Hakha, Chin State

Tanintharyi ramthen Chief Minister chimhhrin awk ah Tanintharyi ka rak phak hi a si tiah Meik khua i tuahmi Daw Suu le mizapi ton biaruahnak ah Daw Suu nih a chim.

“Tanintharyi ramthen ka rat hnawh channak a ruang pakhat cu ramthen Chief Minister chimhhrin awk ah a si” tiah a chim.

Myanmar ram ruahnak petu Daw Aung San Suu Kyi cu Feb. 13 ah Tanintharyi ramthen, Meik khua a phan. Feb. 14 ah Kawtaung lei lanh a tim.

Daw Suu Meik khua a phak lio a dongtu hna chung ah hin “Tanintharyi ramthen Chief Minister, hluttaw chairman le Financial Minister an rian in i din hna seh” timi signboard aa tlaihmi zong an um.

Tanintharyi ramthen Chief Minister Daw Le Le Kyi report an tuahnak catlap le hluttaw nih chekhlainak a tuahnak catlap pawl hluttaw chairman telh in hluttaw palai 14 nih minsen an thut hnu ah President U Win Myint, Daw Aung San Suu Kyi le NLD CEC sin ah an kuat.

_Mizzima

Latest News