Changreu le Juice an Eidin Hnu ah Pafarual an Thi: Pegu

| The Chin Journal | Hakha, Chin State

Pegu ramthen ah pafarual pathum nih changreu le juice an din hnu ah fak ngaiin an zaw i sizung an phakpi ko hna nain an nunnak a liam, tiah theih a si.

October 5, chun sml. 1 hrawng ah Pegu khua i Ohthar khuathar ah a ummi U Win Kyaw Swa le a fapa Arkar Zwe (kum 11) le a fanu Sanda Tun (kum 18) cu dawr ah an cawkmi changreu le juice an eiding hna. Pafarual pathum an eidin lio ah hin an sin ah phungki pakhat zong a eiding ve.

An pali ning tein pawfah, luakchuah in an um hna sizung ah an tlikpi hna. Phungki pa Ashin Wihsarah belte cu dam lei a panh.

A nunnak a liammi pafarual pathum

Asinain, pafarual pathum tu cu sizung ah an nunnak a liam. Changreu le juice an dinmi pawl an check tik ah zei bantuk company nih an sermi a si timi Logo/Trademark zong an um lo.

Myanmar ramchung sianginn kiangkap ah an zuarmi changreu le juice pawl zong ah caanluan le trademark a um lomi pawl an i tel lengmang i eidin cawk tik ah ralrin tuk a herh, tiah FDA nih thawngthanhnak zong an tuah lengmang.

-Akonthi

Latest News