Certual Hrawh i Shopping Mall Saknak nih a Chuahpi Dingmi Thatlonak: Pi Sung Zi Mang

| The Chin Journal | Hakha, Chin State

Hakha khua, Khuathar sang ah a ummi BEHS No. 2 pawng i certual ah Chin ramkulh cozah nih Shopping Mall sak a timhmi kong ah CNLD CEC chungtel Pi Sung Zi Mang nih a hmuhning a langhter.

“Hlanlio Chin Affairs Minister a rak ttuan balmi U Ral Hmung certual hrawh i Shopping Mall sak ding khuakhaannak duhlonak” tiin Pi Sung Zi Mang nih tlang a tar i a tanglei bang in a hmuhning a langhter.

BEHS No. 2 pawng ah Shopping Mall sak a si ahcun fimnak a cawngmi siangngakchia pawl le nulepa hna caah hnahnawhnak le thatlonak a chuahpi lai, tiah number panga tiang a langhter.

-Thilzuar/thilcawtu hna i motor le motorcycle pawl nih nitinte siangngakchia pawl hnahnawhnak a pek hna lai.

-Thilzuar hna i nitin an chuahmi music nih cacawnnak ah hnahnawhnak a pek hna lai.

-Tar le mino thlu loin dinhnak lak pah ah dawrkai a si lai i, siangngakchia hna ca ah hmuh awk aa tlak lomi thil sining pawl zong a hun um kho.

-Siangngakchia nuncan ziaza rawhnak lam ah a hruaimi game kahnak le a herh lo ah phaisa hmannak pawl a chuak lai.

-Siangngakchia hna nuncan ziaza a rawk lai i,  sianginn humhimnak zong a hnorsuan lai, tiah a langhter.

Pi Sung Zi Mang cu Chin League for Democracy (CLD) ah Vice Chiarman (2) a rak ttuanmi a si i, CLD, CPP le CNDP an i fonh hnu CNLD ah CEC chungtel le General Treasurer rian a tlai liomi a si.

Latest News