CDF-Mindat le YDF nih Tangrual ding in Biahrennak an Ngei Kho Cang

| The Chin Journal | Hakha, Chin State

CDF-Mindat le Yaw Defense Force (YDF) cu SAC ralhrang dohnak ah hmun khat ah rianttuan tti ding in July 26 ah lungtlin biakamnak an ngei, tiah kan theih.

“Kum 56 chung Myanmar rammi hna thisen a kan dawptu SAC ralhrang ahram cat lak in do awk ah CDF-Mindat le YDF cu hmun khat ah rianttuan tti i, pakhat le pakhat i zohkhenh ding in lungtlinnak kan ngei cang,” tiah thawngpang an chuahmi ah an langhter.

YDF hi kiangkap ah a ummi Myiang PDF le Magwe PDF he zong ttangrual ding in biatiamnak a rak ngei cangmi a si.

YDF nih Gangaw lamthluan hrawnghrang ah pehzul in SAC ralhrang dohnak an tuah i, nihin July 28 zinglei sml. 7:00 hrawng zong ah Gangaw-Htilin karlak ah SAC ralhrang pawl bomb an puah hnawh hna.

CDF-Mindat le YDF kutsih rianttuan ding in hnatlaknak an ngeihmi cathanh cu CDF-Mindat le YDF nih hmun khat ah nihin zaanlei ah an chuah tti hna.

Latest News

News in Burmese