CDF-Hakha le SAC Ralhrang Ni 2 Chung Kahdohnak ah Ralhrang 7 an Thi

| The Chin Journal | Hakha, Chin State

May 18, 19 ah CDF-Hakha le SAC Ralhrang karlak kahdohnak voi 4 a chuak i ralhrang 7 an thih pin ah a tlawm bik 19 hliamhma an pu, tiah CDF nih an langhter.

May 18, zanlei sml. 4-5 karlak ah Hakha-Thantlang lam cung i security checkpoint (Hakha University pawng) ah kahdohnak a chuak i ralhrang a tlawm bik 2 hliam an pu.

Cun, Hakhathar lamton (၆-လမ်းဆုံး) ‌kahohnak ah ralhrang 4 an thi i, 9 hrawng hliam an pu.

Hakha-Gangaw lam kahdohnak zong ah ralhrang lei in a tlawm bik 3 hliamhma an pu hna.

May 19 zinglei sml. 5-6 karlak ah SAC ralhrang milu 70 hrawng Hakha-Matupi lam lei ah an kal i CDF-Hakha nih an kah hna. Ralhrang 3 an thi i a tlawm bik 5 hliamhma an pu, tiah CDF nih an langhter.

SAC ralhrang nih CDF-Hakha chungtel pawl i motorcycle 30 leng mei in an kanghpiak hna.

Kalay lei in SAC ralhrang nih ralkap thazaang an chap caah kahdohnak a fak chin kho, tiah CDF nih thawngthanhnak ah an langhter.

Latest News

News in Burmese