Cawbuk Sang Khuasa Van Lian Mang a Tlaunak Zarh Hnih Leng a Si Cang

| The Chin Journal | Hakha, Chin State

Hakha khua, Cawbuk sang ah a ummi Van Lian Mang (kum 23) cu May 13 khan inn in a chuak in nihin ni tiang inn a hlam ti lo caah chungkhar an lungrethei.

A tlaumi Van Lian Mang hi a ngakchiat lio tein hnuhdawh a rak ngei i cu hnu cun lungthin lei chambau deuh in a ummi a si.

Van Lian Mang hi Pi Doi Thluai fapa a si i, kum 12 a rak si lio ah ni 3 chung a rak tlau bal i, Thantlang lam ah an rak hmuh tthan.

Pi Doi Thluai nih, “Atu May 13 khan a tlau. Mah hlan zong ah a vak tawn lengmang ko i zaan sml. 9:00 le 10:00 hrawng cun a rak ttin lengmang ko. Asinain, mah ni kha cu a rak ttin ti lo. Kum 12 a si lio ah ni thum chung a rak tlau bal i, Thantlang lam ah kan rak hmuh tthan,” tiah The Chin Journal ah a chim.

Van Lian Mang hi Lichia khua ah a donghnak bik an rak hmuh. Zaan sml. 8:00 hrawng ah an rak hmuh i cu hnu cun khoika a panh timi theih a si ti lo.

Cawbuk i chungkhar hna zong nih Lichia khua ah zaan hnih vung riah in an kawl nain atu tiang an hmu rih lo.

Van Lian Mang a hmutu nan um a si ahcun The Chin Journal Phone-09445672734 ah thawngthanhnak in rak kan bawm cio hram u.

Latest News

News in Burmese