/

Cawbuk Khuabawi an Phuah Hnu ah Caankarlak Khuabawi an Thim

The Chin Journal | Hakha | Chin State
Caankarlak Cawbuk khuabawi ca ah an thimmi Pu Thla Uk

Cawbuk khuabawi hlun U Tan Lwin Oo phuah a si hnu ah caankarlak khuabawi thimnak an tuah i, Pu Thla Uk cu mi tam u lungtlinnak in khuabawi thar ah an thim, tiah thawng kan theih.

Cawbuk sang chung innhmun zuar kong he pehtlai in khuabawi hlun U Tan Lwin Oo cu report tuah a rak tong i, uknak lei zung nih thil sining an hlathlai hnu ah a rian in an rak phuah.

November 29 ah caankarlak Cawbuk khuabawi thimnak an tuah i Pu Thla Uk le Pu Taung Win cu khuabawi i cuh ding in min tar an si.

Vote laknak an tuah tik ah Pu Thla Uk nih vote 322 a hmu i, Pu Tawng Win nih vote 176 lawng a hmuh caah Pu Thla Uk cu mi tam u lungtlinnak in caakarlak khuabawi ca ah thim a si.

Pu Thla Uk cu Mandalay University ah History Major in Degree a lami a si i, NGO lei rianttuannak ah kum 10 hmuhtonnak a ngei cangmi a si.

Pu Thla Uk hi aralaimi March 2021 tiang caankarlak Cawbuk khuabawi a ttuan lai i, a caan dih in a thar in thimnak an tuah tthan te lai.

The Chin Journal Internship Program ah Thantlang, Hakha le Falam ah a ummi paoh i tel khawh a si. Thawngpang lak lenvahnak le Internet Data man thla khat ah 40,000 kan in pek lai. Hi Internship Program ah i tel na duh ahcun APPLICATION FORM hi phi ve.