California Crusade ah Minung a Thong Nih Pathian Sin ah Nun an Ap

| The Chin Journal | Hakha, Chin State

August 24-26 tiang nithum chung US ram, California ah tuahmi Crusade pi ah US mino a thong nih Jesuh sin ah nun an i ap, tiah Fox News nih a tial.

California ah tuahmi Crusade ah minung 100,000 leng an kai. Minung 8,000 nih Jesuh sin ah nun an i ap

Hi Crusade tuahnak hmun ah abikin thawngtha chimtu cu Pastor Greg Laurie a si i, Billy Graham nih “Hmailei Pathian thawngtha phuangtu ah kan i bochan dingmi a si” tiah a rak timi pa a si.

Thawngtha chimtu Pastor Greg Laurei

California State ah a ummi Anaheim khua i Angel Stadium ah Crusade cu nithum chung an tuah i a donghnak bik ni lebang ah cun minung 100,000 leng an rak chuak.

California ah tuahmi Crusade ah minung 100,000 leng an kai. Minung 8,000 nih Jesuh sin ah nun an i ap

Pastor Laurie nih, “Chanthar fimthiamnak cung ah hin nan ruahchannak hnget hlah u. Vawleicung thilri cung zong ah ruahchannak ngei hlah u. Ramkhelrian chung zong ah nan ruahchannak chia hlah u. Biaknak kan timi chung zong ah hin nan ruahchannak chia hram hlah u. Ruahchannak timi nih min pakhat lawng a ngei-cucu Jesuh Khrih lawnglawng hi a si. Atuzan ah kan sin ah a um ko. Na nunnak lamthluan thlen ding in Jesuh ready a si ko,” tiah thawngtha ngaitu minung 100,000 cu a forhfial hna.

HCalifornia ah tuahmi Crusade ah minung 100,000 leng an kai. Minung 8,000 nih Jesuh sin ah nun an i ap

Hi Crusade tuahnak hmun ah hin minung 8,000 leng nih Jesuh zulh ding in an nun an i ap, tiah theih a si.

Latest News