Breaking News: Mindat ah Inn 4 a Kaang, Khuabawi Pa Inn in Meikangh Hram aa Thok

| The Chin Journal | Hakha, Chin State

Atu zaan (March 22) suimilam 11:00 pm hnu ah Mindat khua ah inn 4 a kaang. Atu inn a kanghnak hi nitlak lei sang, San-thiri Pura pawng lei ah a si.

“Kan umnak he cun aa hlat ngai, inn 4 a kaang. Atu zong mei a kangh cuahmah lio ka hmuh ko, nitlak lei sang khuabawi pa inn in meikangh hram aa thok. Khuabawi pa min belte ka fiang ti lo, atu cu tlawmpal meikangh a dai deuh cang, tu nai lei cu a kangh ning a fak tuk, meithat mawtaw zong tam ngai a um” tiah Mindat khuami pakhat nih The Chin Journal ah a chim.

“Minung hliamham le a thimi cu um dawh an si lo, mah ka pawng hrawng a ummi hna hi an um lo caan a tam, ramdang ah an um deuh hna” tiah a chim chap.

Hi kong he pehtai in TCJ nih pehzulh in thawng kan hlat cuahmah lio a si.

Photo-Salai Mang Ghung

Latest News