“Barma” Tiin Hmatpungtin aa Khumhmi Gangaw Chin Pawl CNLD nih Hmatpungtin Remh Bawmh Timh

| The Chin Journal | Hakha, Chin State

Gangaw ah a ummi Chinmi tampi nih an i tlaihmi Hmatpungtin (National Identity Card) ah Kawl (Barma) tiin miphun zawn ah aa khumhmi tampi an um i, cu hna cu CNLD hruainak in an Hmatpungtin remh ding in bawmh an timh hna, tiah theih a si.

“Chin ramkulh leng ah khua a sami Chinmi hna chung ah an Hmatpungtin ah Barma tiin aa khumhmi milu hi 40,000 in 50,000 karlak hrawng an um. Cucu lungfak ngaingai a si. Ahlan Immigration zung le acozah pawl nih an rak tuahmi vialte thlen dih an hau. Cucu kan i timhmi pakhat zong a si,” tiah CNLD secretary Salai Ceu Bik Thawng nih Chin World ah a chim.

CNLD chungtel pawl cu atulio hi Gangaw peng ah an tlawn lio a si i, Hmatpungtin ah miphun min dik tein ttial tthan khawh a si nakhnga cahmai pali a simi Form 1,000 cu Gangaw peng Chinmi khuasaknak khuate pawl ah an phawt hna.

Hi kong he pehtlai hin Gangaw peng (Hakha) Nunphung le Caholh Bu i Chairman Rev. Tial Kem nih The Chin Journal sin ah a hmuhning a tanglei bang in a chim.

“Mah Hmatpungtin i miphun min thlen timi hi an duh lo caah kan thleng kho lo. Anmah nih cun Chinmi/Laimi kan si an i ti ko i, zatlang cawlcanghnak zong ah an i teltum ko hna. Ahlan zong ah an hmatpungtin i miphun min thlen ding in Immigration zung tiang ah chimchawnhnak kan ngei tawn ko nain anmah “Barma” tiah aa khumhmi Chinmi pawl nih an duh lo,” tiah a chin.

Latest News

News in Burmese