Bangkok Khua ah Zuan a Timmi India Vanlawng Lakhruak in Yangon Airport ah a Tum

| The Chin Journal | Hakha, Chin State

Thailand ram, Bangkok khua ah zuan a timmi India vanlawng pakhat seh lei chambua ruang ah lakhruak in Yangon Airport ah a tum.

Feb. 12 ah minung 135 citmi India vanlawng cu engine oil box pakhat a rawh ruang ah naihniam bik Airport ah zuan ding in vanlawng mong nih biakhiahnak a tuah.

Ningcang tein Yangon Airport ah a tumpi hna. Khualtlawng pawl cu a dang vanlawng in Bangkok lei ah an zuanpi than hna. Vanlawng chung ah hin khualtlawng 129 le vanlawng chung riantuantu 6 an i tel.

Lakhruak in Yangon Airport ah a tummi vanlawng hi 6E 075 phun a si i IndiGo Airline nih a ngeihmi a si. IndiGo hi India ram ah a ngan bik Airline pakhat a si.

-7Day
Photo: EPA

Latest News