Ayerawaddy Tiva Chung a Zuangmi Pafa Hna; A Pa Ruak an Hmuh Cang

| The Chin Journal | Hakha, Chin State

Sagaing ramthen, Sagaing donhhlei (Inwa donhlei) cung in Ayerawaddy tiva chung ah a zuangmi pafa hna cu Jan. 29 ah hartong bawmchantu hna nih a pa ruak an hmuh cang.

Mandalay ramthen tiva kiangkap ah a ummi U Soe Min Thein (kum 40) nih a fanu Ma Phyo Sin Tway (kum 3) cu Jan. 27, zinglei ah a keng in a puak i Ayerawaddy tiva chung ah a zuan pi. An kawlhawl hna hnu ah hringtu a pa ruak cu Ayerawaddy tiva laicer ah an hmuh. A fanu ruak belte an hmu rih lo.

Ayerawaddy tiva chung an zuam lio ah hin Sagaing donhhlei Gate congtu pawl nih an hmuh hna. Tuanvo ngeitu sin thawng an thanh hna hnu ah nithum chung an kawlhawl hna. Cu hnu ah cun nizaan zinglei ah a pa ruak an hmuh hi a si.

Hi hna pafa hi an konglam fiangfai in hngalh a si lo nain, a fanute hi mit cancer in a zawmi a si. Jan. 28 ah operation  tuah aa timmi an si tiah hartong bawmchantu phu in secretary U Soe Min Oo nih a chim.

MUNA; Myanmar Daily Feed

Latest News