Australia Van ah Van Lungtum/meteorite a Puak| Video

| The Chin Journal | Hakha, Chin State

Australia ram nithlanglei kap rili cung van ah van in khulrang taktak in a rung tlami lungtum/meteorite pakhat a puak, tiah theih a si.

Hi van lungtum hi motor pakhat tia hrawng a si tiah Scientist pawl nih an chim i suimilam pakhat ah meng 25,724 rang in vawlei lei a rung zuang.

Cu van lungtum cu Australia vawlei ah a tlak hlan ah a puak/aa thencheu dih i acheu cu rili chung ah an tlak bang in tlang ah a tlami zong an um.

NASA zong nih “Nuclear Bomb thazaang tluk thawng in Australia van ah van lungtum a puak,” tiah a fehter.

Van lungtum a puakmi i aa thenthekmi pelpawi pawl cu minung an umnak hmun he aa hlat ngainak hmun ah an vung tlak  caah khawndennak le rawhralnak an tong lo.

Curtin University¬†Professor Phil Bland nih, “Van ah a puah ningcang zoh tik ah a thazaang hi 1.6 kiloton hrawng a si,” tiah a chim.

Van ah a puakmi lungtum aa thencheumi pelpawi cheukhat cu Gambier tlang nitlak-thlanglei ah an tla hna, tiah theih a si.

Latest News