Australia Khuapi Pawl ah Dinti Harnak a Chuak Kho

| The Chin Journal | Hakha, Chin State

Australia ram khuapi pawl a simi Sydney, Darwin, Brisbane le Chinmi tampi an umnak Melbourne ah dinti harnak a chuak kho, tiah The Guardian thawngzamhnak nih May 6 ah a langhter.

Atukum ruah a tlawm i Dam ah an khonmi tii zong an hun zor ngaingai. Abiana ah Greater Sydney nih a hmanmi Dam 11 chung ah tii level 55% lawng an um hna.

Nikum atu caan hin cun Dam chung ah tii 73% tiang an um. Asinain aluancia 1940 thawk in atukum hi Dam chung tii aa khonmi a tlawmbik caan a si.

Cun, Melbourne nih a hmanmi dam pawl level zong 51% tiang an zor. Nikum atu caan ah cun 59% a rak si.

Dam chung ah tii a ummi level hi 50% tang a tum sual a si ahcun rammi hna tii peknak ningcang hi tlawmter deuh a hau lai tiah an ruah.

-The Guardian

Latest News

News in Burmese