Aung San Suh Kyi Rawhmi Changreu $1,500 in an Zuar

| The Chin Journal | Hakha, Chin State

Myanmar rampi ruahnak petu Aung San Suh Kyi pumpak bak in a rawhmi changreu cu September 14 ah $1,500 in an zuar khawh, tiah theih a si.

September 14-15 tiang hi Yangon khua i Inya Lake Hotel ah Myanmar-Asian nu pawl hawikomhnak thilzuar puai an tuah i cuka hmun ah cun Suh Kyi pumpak nih a rawhmi changreu cu zuar a si.

Myanmar Kindness Foundation a dirhtu Daw Khin Ma La nih, “Hi puai ah Suh Kyi kan sawm nain a rak i tel kho lo. Asinain, bawmhnak can ah amah pumpak nih a rawhmi changreu hi a kan hlut. Htan-Hliat in tuahmi changreu a si i, Ung-ti zong a cawh chih. Cu changreu cu $1,500 in kan zuar khawh,” tiah a chim.

Suh Kyi changreu a cawtu sin apnak cu Myanmar Vice President Henry Van Thio i a nupi Dr. Anna Sui Hluan nih a tuahpaik hna.

Hi thilzuarnak puai an hmuhmi tangka vialte hi Myanmar ramchung i nuthlawi hna sin ah le ngaktah sianginn pawl sin ah an hlut hna lai, tiah theih a si.

-MMTimes

Latest News