Aung La: “Tu Zan Kan Sung nain kan Tho Ṭhan Ko Lai”

| The Chin Journal | Hakha, Chin State

Aung La ruah lo piin sunghnak nih a phak hnu ah dawtu Myanmar rammi le a dirkamhtu vialte sin ah thazaang peknak le lawmhnak bia a chim.

Aung La nih second 19 a saumi video te atu zaan ah khan a tar i “Atu zaan ah teinak kan hmu lo nain sunghnak chung in kan tho tthan ko lai. A ka daw i thazaang a ka petu nan dihlak cung ah ka lawm tuk,” tiah a chim.

Aung La a teitu De Ridder kha Champion Taisawm an pek hnu ah bia an hal i, “Aung La hi upat awktlak thongh thiam a si ko. Asinain, an ram ah amah ca ah dar milem tuahpiak an timhmi tu cu a tuan tuk rih,” tiah a chim.

Aung La a teitu Netherlands rammi De Ridder hi mah hlan ah voi 12 a rak i thong i voi khat hmanh a sung lo. Atu zong ah Aung La a hun tei i voi 13 aa thongh ah sungh a ngei rih lo.

Aung La nih ruah lo piin Round 1nk ah a sung nain Myanmar ram mipi nih cun thachiat lo ding in Aung La thazaang peknak ca phunphun an ttial hna.

Latest News

News in Burmese