Aung La N Sang: ‘Ken Hasegawa’ hi Japan Zong ah Ka Tei Than Ko Lai

| The Chin Journal | Hakha, Chin State

Japan ram, Tokyo khua ah tuah timhmi One Middleweight Championship ah Japan pa ‘Ken Hasegawa’ cu ka tei than lai timi zumhnak ka ngei tiah Aung La N Sang nih a chim.

“Round 1nk ah tei khawh ka zuam lai. A hlan zong ah round 5 tiang kan i thong bal cang. Zeidah a tuah lai timi ka hngalh tuk cang. Ka thei lai timi zong kaa zum. Aa thonghnak pawl ka hlathlai dih cang. A hlan nakin training zong a hlei in ka tuah. A hlan nakin tha deuh in kaa thong lai” tiah Aung La nih a chim.

Feb. 15, Yangon khua Rose Garden Hotel ah tuahmi Online Press Conference ah Aung La N Sang nih a cunglei bantuk in a chim hi a si.

Aralaimi March 31, Japan ram, Tokyo khua Ryogoku Kokuhikan Indoor Stadium ah tuah timhmi One Middleweight Championship ah Aung La N Sang le Ken Hasegawa cu a voihnihnak an i tong than lai.

-Mizzima

Latest News