Aung La: “De Ridder Challenge Than Colh Ding in Ready ka Si Ko”

| The Chin Journal | Hakha, Chin State

Aung la De Ridder an i thonghnak puai a dih ah Media sin biachimnak an ngei i Aung La nih De Ridder hi Challenge colh ding in ready ka si ko tiah a chim.

Media pawl biahalnak ah cun Aung La nih, “Aralaimi puai ah De Ridder hi Challenge in Champion taisawmh ka cuh lai maw timi kong le De Ridder ka challenge hlan ah a dang puai i thongh ta a hau lai maw timi cu One Championship puai a tawlreltu hna nawl a si,” tiah Aung La nih a chim.

Cun, Aung La nih, “De Ridder challenge tthan ding in kaa tlak le tlak lo tehte an ka piahter zong ah ready ka si ko. Puai dang i thongh ta ding a si zong ah ready thotho ka si. Aralaimi puai ah De Ridder he i thongh tthan colh ding a si zong ah ready ka si ko,” tiah a chim chap.

Aung La cu Middleweight World Championship taisawm le Light Heavyweight Championship taisawm a rak i tlaihmi a si i, De Ridder nih a tei caah atu ah cun Light Heavyweight Championship taisawm lawng aa tlaih cang.

Latest News

News in Burmese