/

Aung La Ca ah Lehrul Ka Cham Hrim Lai Tiah Lethwei Fighter Dave Leduc nih Chim

The Chin Journal | Hakha | Chin State

Myanmar Lethwei Fighter a simi Dave Leduc nih Aung La ca ah lehrul ka cham hrim lai, tiah lungfak ngaiin social media ah a langhter.

Kum 28 lawng a si rihmi Dave Leduc hi Canada rammi a si i, UAE ram Dubai khuapi ah khua a sami a si.

Kawl thongh ningcang (Lethwei) ttha tein a cawngmi a si i, Myanmar ram min keng in le Canada ram min keng in aa thong tawnmi a si.

World Lethwei Championship (WLC) ah a rak i thong i Cruiserweight World Championship taisawm zong a co. Atu tiang ah cu Championship taisawm cu a chut khotu an um rih lo.

Cu lawng si loin Openweight World Lethwei Champoinship thongh zuamnak zong ah a tei khotu atu tiang an chuak rih lo i “The King of Lethwei” (Lethwei Siangpahrang) tiah thangtthatnak minhleng an pekmi pa a si.

Aung La ruah lo piin a sungh hnu ah Dave Leduc nih, “Ka upa Aung La ca ah aralaimi zarh chung ah lehrul ka cham lai. Myanmar ram limhaang ca ah teinak ka hmu hrimhrim lai,” tiah Kawlca in a Facebook ah a ttial.

Dave Ludic nih atu bantuk in a Facebook ah ca a tar nain aralaimi zarh chung ah aho he dah an i thongh lai timi kongkau le aa thongh nakding nicaan le hmunhma zong fiang in theih a si rih lo.

THAWNG THAR

The Chin Journal Internship Program ah Thantlang, Hakha le Falam ah a ummi paoh i tel khawh a si. Hi Internship Program ah i tel na duh ahcun APPLICATION FORM hi phi ve.