Atulio Myanmar ah Alar Ngaimi Sayapa le Siangngakchia Pawl an i Thlahnak| Video

| The Chin Journal | Hakha, Chin State

A tanglei video te hi October 4 ah khan Mongywa sianginn pakhat ah saya a tuanmi U Moe Htet nih a Facebook ah a tarmi a si i, amah a Timeline lawnglawng ah Share 7000 leng le a zohtu 400,000 hrawng an phan manh.

Zanlei sianginn tin ah sayapa cu kutka hram ah a dir. Kutka i kehlei kam ah Apple/Heart hmanthlak, zapei samhmi hmanthlak, damdam tlaih lio hmanthlak le kuttum hmanthlak aa tarmi an um.

Siangngakchia pawl khaan chung in an chuah lai ah kutka pawng i hmanthlak lak ah an duhmi kha an tongh ta i cuticun chuah a si.

Apple/Heart an tongh a si ahcun sayapa nih a vun pom ta hna i siangngakchia pawl nih an thimmi hmanthlak hoih in sayapa nih siangngakchia pawl cu thlahnak a tuah hna. (Video zoh).

Mi tampi nih siangngakchia pawl ca ah thil tha tuk a si. Inn tin tik ah nuam tein inn an panh lai pin ah saya le siangngakchia karlak pehtlaihnak zong a tha, tiah an ti.

Ramdang sining cawnmi a si ko zong ah hi bantuk thil tha tuah cu siangngakchia ca ah thil tha a si i, kan i cawn awk a si ko a titu zong an um ve.

Atlangpi in cun saya U Moe Htet video te hi Myanmar rammi hna sin in Positive Feedback a hmu i sayapa zong thangthat a tong ngaingai.

Latest News