Atu Lio Vawleicung Kum Upa Bik ‘Guinness Record’ ah a Lutmi Tarnu

| The Chin Journal | Hakha, Chin State

Japan rammi, kum 116 minung ‘Kane Tanaka’ tiah auhmi tarnu hi atu lio vawleicung kum upa bik cazin ah a lutmi a si.

Nihin, March 9 ah Guinness World Records lei tuanvo ngeitu hna nih a umnak Fukuoka khua ah va kal in thangthat conglawmhnak program an tuah piak hlei ah le roca zong an va pek.

Kane hi Fukuoka khua tar zohkhenhnak hmun ah a ummi a si. Atu ah kum 116 le ni 66 a si cang.

“Atu bantuk in thangthat conglawmhnak an ka pekmi hi ka nun chung ah kaa lawmh bik caan le ka lungtur bik caan a si” tiah Kane nih a chim.

1922 ah Hideo Tanaka he an i thi-um i fanu/fapa 4 an ngeih. Cun minung pakhat zong an i cawm chih rih. Kane cu zinglei suimilam 6:00 in caan hmaan a tho zungzal. Mathemati\cs subject cawn le Othello Game kah hi a zuam bikmi a si.

Amah hlan ah hin, vawleicung kum upa bik p\akhat hi Japan nu thiamthiam a si i a min ‘Chiyo Miyako’ tiah auhmi a si. Kum 117 a hun si hnu, aluancia July thla ah khan a nunnak \a liam. Miyako hlan ah hin Japan nu thiamthaim a rak si bal.

-VOA

Latest News

News in Burmese