Atu Cozah Chan Chinram ah Sianginn 1,000 Leng Level an Kaiter

| The Chin Journal | Hakha, Chin State

Atulio NLD cozah chan ah Chin ramkulh chung ah sianginn 1,021 hi a sang deuhmi level (အဆင့္တိုး) ah kaiter an si, tiah MP Pi Ni Sui Lian nih The Chin Journal ah a chim.

“Atu NLD cozah nih kum 4 chung ah hin Chinram ah sianginn 1,021 hi level a kaiter cang. Kanmah Thantlang chung ah hin sianginn 64 hi level an kaiter. Asinain, sayate tu kan chambau rih. Hlanlio i a rak chambaumi kha an rak chap lo tik ah kum 2 kum 3 chung lawng ah cun tlamtling in chap ding a si kho lo,” tiah a chim.

Sianginn lawng chap i sayate zong an chap lo, an chambau peng tiah soiselnak kong he pehtlai in MP Pi Ni Sui Lian nih a tanglei bang in a chim chap.

“Sayate chapnak lei ah hin lungsau kan hau. Cachimtu saya pakhat tlamtling in a si nakding ca ah Training a kai a hau, Degree zong a lak ta a hau i, a tlawmbik kum 1 kum 2 tallo cun sianginn saya ttuan khawh a si lo. Kan lung a sau deuh a hau,” tiah a chim.

Latest News