ASEAN Tonpumhnak ah Min Aung Hlaing Sawm Lo ding in an Ceih

| The Chin Journal | Hakha, Chin State

October 26 in 28 tiang tuah dingmi ASEAN Summit tonpumhnak ah SAC luzik Min Aung Hlaing sawm lo ding in ASEAN chungtel ram pawl ceihmainak an ngei cuahmah.

“ASEAN Summit ah SAC lutlai pawl sawm an si lai le si lai lo kong he pehtlai in fak piin ceihmainak kan ngei cuahmah,” tiah atulio Myanmar ram buainak chimphoih ding in ASEAN special palai ah an thimmi Mr Erywan Yusof nih a chim.

Malaysia ramleng vuanci Saifuddin Abdullah zong nih, “ASEAN hnatlaknak 5 ningzul in SAC lei nih tthanchonak an chuahpi hlei lo ahcun ASEAN Summit ah SAC hruaitu tthudan pek kan i harh lai,” tiah a Twitter cahmai ah a ttial.

Cu lawng si loin nihin Press Conference zong ah Saifuddin Abdullah nih a tanglei bang in a chim chap:

“Khahlan Myanmar ram kong ceihmainak zong ah Malaysia hi hmaisuang in a dir lengmangmi a si. ASEAN hnatlaknak 5 ning in SAC nih rian a ttuan lo le tthanchonak a chuahpi lo ahcun NUG he biaruah ding in ready kan si,” tiah a chim.

Latest News

News in Burmese