An Puh Bang in Ukraine ah $400M Bawmhnak Pek Ding a Chimmi Um Lo

| The Chin Journal | Hakha, Chin State

US President Donald Trump le Ukraine President Volodymyr Zelensky karlak July 2019 i phone an rak i chawnhnak cu zapi hmuh khawh ding in White House nih a hun langhter taktak cang.

President Trump nih a nawlngeihnak ningcang loin a hman le hman lo hlathlainak tuah ding in House of Representative Speaker Nancy Pelosi (Democrat) nih official in thawngthanhnak a tuah hnu ah White House nih Trump le Zelensky phone an i chawnhnak an thlah hi a si.

“Joe Biden fapa Hunter kong hlathlainak tuah ding in President Trump nih Ukraine President Zelenskiy phone a chawnh i bawmh a hal timi le Ukraine ralkap caah $400 million bawmhnak pek ding in Trump timhtuahnak a ngei” tiah Democrats pawl nih sual an puh.

Sihmanhsehlaw, Trump le Zelensky karlak phone an i chawnhmi ah Joe Biden fapa kong hlat ding in Trump nih a chimmi cu aa tel nain $400 million bawmhnak pek ding timi kong pakhat hmanh an chimmi a um lo.

Phone an i chawnhnak zapi theih in thlah a si hnu ah President Trump nih, “Ukraine President he kan i chawnhnak hmuh dih a si cang i Democrats pawl nih ngaihthiam an ka hal lai maw? An ka hal awk a si…” tiah Twitter cahmai ah a tial.

-Fox News

Latest News