All Chin Society nih Yangon ah Chin Miphun Ni a Tuah Rih Lai

| The Chin Journal | Hakha, Chin State

Tukum a voi 72nk Chin Miphun Ni zong All Chin Society (ACSY) hruainak in Yangon ah hlunghlai ngaiin tuah a si rih lai, tiah thawng kan theih.

Dagon Myothit Nichuahlei, Anawratha lam le Kungbaung lamton ah a ummi No. 183 vawleihmun (ACSY hmun) ah tuah a si lai.

“Atutan Chin Miphun Ni ah Yangon ramtthen vuancichoh, Yangon Mayor le Rampi President pawl kan sawm hna. Asinain, an i tel khawh lai le tel khawh lai lo kan fiang rih lo,” tiah ACSY Vice President Saya Naing Thang nih a chim.

“Yangon khuasa Chinmi hlasak thiam zong sawm dih an si ko. Khuadang le ramdang CND ah a kal lomi pawl cu an i tel kho ko lai. Cun, nikum CND ah miphun lam a hmuhsak rih lomi pawl atutan ah anmah laam caan a si lai. Miphun thilri le eidin hmuhsaknak le zuarnak dawr pawl zong kan tuah lai,” tiah a chim chap.

A voi 71nk Chin Miphun Ni zong Yangon ah cun ACSY thotho nih sunglawi ngaiin an rak tuah i, Yangon khuasa Chin miphun tampi an rak chuak kho.

Latest News

News in Burmese