Algeria Khrihfa Pawl Palik nih an Luh Hnawh, Pastor an Vuak| Video

| The Chin Journal | Hakha, Chin State

Africa vawleitthen ah a ummi Algeria ram ah nawlngeitu nih Khrihfa biakinn pawl an khar cuahmah bang in October 15 ah Tizi Ouzou khua ah a ummi Khrihfa biakinn ngan bik pakhat palik nih an luh hnawh tthan.

Algeria cu Africa vawleitthen ah ram kau bik a si i, Islam biaknak a zultu milu hi an ram milu zapi i 99% hrawng an si. Khrihfa le a dang biaknak pawl cu mi tlawm taktakte an si hna.

2006 ah Algeria cozah nih biaknak lei upadi a rak serchuah i, Islam a si lomi biakinn poahpoah cu nawlngeitu nih onhnak lawng ah on khawh a si lai tiah an rak ti.

Cu caan thawk cun Algeria ramchung i Khrihfa biakinn tampi khar an tong i, Khrihfa pawl nih pumhkhawmhnak ah an hmanmi inn pawl ah nawlngeitu nih an luh hnawh tawn hna.

2006 thawk in atu tiang ah Algeria ramchung ah Khrihfa biakinn 500 hrawng khar an si cang, tiah International Christian Concern (ICC) nih a langhter.

Atutan zong hi Khrihfa pawl an i pumhnak hmun ah palik nih an luh hnawh hna i an pastor an vuak pin ah a dang zumtu pawl zong vuak le tlaihkhih an tong len. Cun, an biakinn zong an kharpiak hna, tiah Open Door USA nih a langhter.

Latest News