Actor Nay Htet Lin: “Line Walker 2” Action an Thlaknak i an Hmanmi Meithal Kuan Pakhat Kaa Lak

| The Chin Journal | Hakha, Chin State

Myanmar Actor Nay Htet Lin nih ‘Line Walker2’ movie an thlaknak hmun ah va kal in a tonmi thil sining pawl a tanglei bantuk in a chim.

“Kaa hngilhnak 35th street vialte a hnih dih ti awk in a um ko. Meithal taktak le kuan taktak an hman, mawtaw zong kuan taktak in an kah. A thawng a than ning hi… Chim hna hlah u tiin an hmanmi meithal kuan pakhat a thlithup in kaa lak, bia an ka el sual ahcun tette hmuhsak awk ah ka lak” tiah Popular News Journal Interview chung in Actor Nay Htet Lin nih a Chim.

Myanmar ram director pawl nih an thil tuahmi pawl an i cawn awk hrimhrim a si tiah a chim chap.

Line Walker 2, movie a chuah tik ah Yangon khuachung action hi 15 minutes hrawng aa tel te ding a si. Yangon khuachung thlaknak caah US Dollar 10 Million hman timh a si.

Video thlaknak caah Meithal/khua le Helicopter pawl a taktak lawng te an hman. Action an i thlak lio a zohtu minung an tam ngaingai. Action tlaknak caah cheukhat dawr pawl an kharter hna.

Line Walker 2 movie tuanvo ngeitu hna nih Action thlaknak caah dawr khar termi hna cu tangka a tom in an pek hna ruang ah dawr ngeitu pawl an i lungsi ngai tiah nizaan ah DVB nih a langhter.

– Popular News Journal nih interview an tuahnak video anmah facebook page ah va zoh khawh a si.

Latest News