AA Nih Paletwa Peng ah Kawl Ralkap Helicopter Tla Lak in a Kah

| The Chin Journal | Hakha, Chin State

Chin ramkulh, Paletwa peng chung ah Kawl ralkap helicopter pakhat cu AA hriamtlai nih tla lak in an kah, tiah anmah AA nih September 7 zinglei ah thawngthanhnak an tuah.

“September 5 zanlei sml. 3:00 hrawng Kawl ralkap helicopter Mi 17 cu AA nih tla lak in kan kah. Cu helicopter cu Kinthalin khuate (Paletwa peng) nitlakchaklei ah a vung i khawt i a tla. Hmanthlak khawh ding in kan i zuam cuahmah,” tiah AA nih an langhter.

AA nih Kawl ralkap helicopter kan kah an tinak pawng i Kinthalin khua hi atulio Paletwa ralzam pawl an umnak Miza khua he meng 7 hrawng a hlatnak ah a ummi a si.

“September 6 zong ah Paletwa peng le Rakhine ramkulh, Minpya peng hmun hnih ah kan i kap. Paletwa peng kahdohnak ah ral 10 hrawng kan thah khawh hna,” tiah AA nih an langhter chap.

-ULA/AA

Latest News