AA nih Kawl Ralkap Ruak 41 an Char, Kawl Ralkap nih AA Ruak 150 kan Char an Ti Ve

| The Chin Journal | Hakha, Chin State

AA nih Kawl ralkap miruak 41 kan char tiah thawng an thanh hnu tlawmpal ah Kawl ralkap nih AA ruak 150 kan char, tiah an hun ti ve.

October 11 in 16 karlak kahdohnak ah Kawl ralkap a thimi miruak 41 khan char, tiah AA nih October 17 ah thawngthanhnak an tuah.

Rakhine ramkulh, Minbia peng, Ratehdaung peng, Maruk-U peng, Kyaukdaw peng, Butidaung peng, Pungna Kyun peng le Chin ramkulh, Paletwa peng chung kahdohnak ah Kawl ralkap ruak 41 kan char tiah AA nih an langhter hi a si.

Kawl ralkap Col. Win Zaw Oo nih, “Atukar AA ruak 150 hrawng kan char ve. AA nih an chuahmi thawngpang hi adiklomi a si. Anmah a dirkamhtu pawl lungthawhnak ah thawngpang an zamhmi a si,” tiah a chim.

AA nih Kawl ralkap ruak 41 kan char an ti bang in Kawl ralkap nih AA ruak 150 hrawng kan char tiah an ti ve tik ah ahodah ahmaan deuh timi fiang in theih a har.

-Arakan Army, Khit Thit News

Latest News