AA nih an Thahmi Sayayi U Abela Ruakthlahnak an Tuah

| The Chin Journal | Hakha, Chin State

Rakhine hriamtlai AA nih an thahmi Paletwa peng, Siphalawng khua sianginn sayagyi U Abela (kum 55) i ruakthlahnak cu nihin ah an tuah, tiah theih a si.

January 7, zanlei ah Paletwa he meng 1 le cheu hrawng a hlatnak hmun Kyat-Uh khuate ah Saya Abelah le Rakhine miphun a hawile U Kyaw Tann Win le U Hlah Thein he zu an ding hna. U Abela hi Khumi-Chin a si.

AA nih an tlaih i an thahmi Sianginn sayagyi U Abela| Created by The Chin Journal

Zu an dinnak in Saya Abelah le a hawile pahnih cu an tlau i, a thaizing ah AA hriamtlai nih an tlaih hna, tiah an theih.

Minung 130 hrawng nih January 10 ah an kawl hna i, In-khu-wah khuate le Seinsan khuate karlak ramlak ah an ruak cu an hmuh hna.

Latest News