AA nih an Rak Tlaihmi Beleivers Khrihfabu Pastor a Luat Cang

| The Chin Journal | Hakha, Chin State

AA hriamtlai nih January 7, 2019 zaan ah an rak tlaihmi Believers Chruch  Myanmar i pastor cu nihin zanlei sml. 4:00 ah inn ah him tein a phan, tiaht theih a si.

Believers Khrihfabu pastor Saya Tun Nu cu a rianttuannak Rakhine ramkulh, Kyauhdaw peng, Tan Chaung khuate ah AA hriamtlai minung 5 nih biahal awk kan i ngeih an ti i, an rak tlaih.

Tlaih a ton hnu ah nungdam in a um le um lo kong zong an theih lo i chungkhar le Khrihfabu lungrethei in an um. Kum khat fai a rauh hnu ah atu an hun thlah hi a si, tiah Believers Church Myanmar nih thawngpang an chuah.

Believers Khrihfabu nih, “Saya Tun Nu tlaih a ton karlak ah amah le a chungkhar ca ah thlaza a camtu le chawva lei in a kan bawmchantu hawidawt nan dihlak cung ah kan i lawm tuk hringhran,” tiah lawnhnak an langhter.

Latest News

News in Burmese