AA le Cozah Ralkap Kahdohnak Ruang i Meithal Kuan Nih a Khenmi Kum 7 Ngakchia Pa a Nunnak Liam

| The Chin Journal | Hakha, Chin State

Rakhine ram, Yatehtaung pengkulh, Ta-mi-hla khuate kiangkap AA le cozah ralkap kahdohnak a chuah lio i meithal kuan nih a lu a hneuhmi kum 7 ngakchia pate nizaan ah a nunnak a liam.

Meithal kuan nih a hneuhmi Mg Naing Soe (kum 7) cu Yatehtuang siizung in Sittway siizung ah an lanhpi. A sining a zual deuh caah Yangon lei an lanhpi. Yangon an kalpi cuahmah lio lamcung ah a nunnak a liam.

Hi ngakchia pate hi Yatehtaung pengkulh, Ta-mi-hla khuate ah a ummi an si i tang 1 cawng lio a si. Anmah inn ciacia ah meithal kuan nih a orhlei lu, a hnakhaw cung ah a hneuh.

“Orhlei kap a lu, a hnakhaw cung deuh ah meithal kuan nih a hner. Hringtu nu rawl a chuan cuahmah lio ah ka fale pathum cu a nu pawng ah an um. Cu lio ah cun Mg Naing Soe cu meithal kuan nih a hneuh. Mizei meithal kuan a si timi kan hngal lo. Nu pakhat zong a ttawk ah meithal kuan nih a hneuh” tiah ngakchia pa hringtu a pa U Kyaw Kyaw Naing nih a chim.

Mg Naing Soe cu aluanciami, Jan. 26 zinglei sml. 9:00 hrawng ah a unau dang he hringtu a nu pawng lente an i celh cuahmah lio ah meithal kuan nih a lu ah a hneuh. Cu hnu ah a nunnak a liam hi a si.

Ref: Narinjara

Latest News