AA Kut in Pakhatkhat a Cang Sual Lai Timi ka Phang, Rawl Zong ka Ei Kho Lo: Salai Bi Va Nupi Daw Si Si Hlaing

| The Chin Journal | Hakha, Chin State

Paletwa peng, Tan-taung sakhan-hmu Salai Bi Va le khuabawi Chia Haw AA nih an tlaihmi hna kong he pehtlai in luat thannak caah chungkhar nih nawl an hal hna tiah Irrawaddy thawngzamh nih a langhter.

Nizaan Feb. 24 ah sakhan-hmu le khuabawi luatnak an hmuh than khawh nakhnga bukip fonh thlacamnak an tuah.

Salai Bi Va nupi Daw Si Si Hlaing nih “An tlaihmi kong ah keimah lei in cun ka thin a phang taktak, rawl zong ka ei kho lo. AA kut in pakhatkhat a cang sual lai timi ka thin a phang hringhran, luatnak hun hmuh i chungkhar he hmunkhat ah um tti ka duh. Keimah lei in cun atu lio ah hin a mui van hmuh than ka duh ko” tiah a chim.

Tlaih a tong vemi Tan-taung khuabawi U Chia Haw i a tupa U Aung Thein nih “Nizaan ah khuami pawl thlacamnak kan tuah. A ruang um lo bak in an rak tlaih. Wat-chaung-wa khuami pakhat kha khuabawi pa inn rak kan chim tiin lam hruaitu ah an run ratpi. Khuabawi inn cun an ra, zeihmanh chim loin an kalpi” tiah a chim.

Photo: Irrwaddy

Latest News