AA Hriamtlai Pawl nih Chin mi 4 an Tlaih Hna

| The Chin Journal | Hakha, Chin State

Chin ramkulh, Paletwa peng Tan-taung khua palik sakhan AA nih an run luh hnawh hna. Sakhan-hmu Salai Bi Va le palik pakhat, khuabawi U Chia Haw le khuami pakhat AA hriamtlai nih an tlaih hna tiah khuami pakhat nih a chim.

Tan-taung khua kiangkap ah atu in hin AA pawl a voikhatnak cawlcangh hram an thok a si.

Tan-taung khuami pakhat nih; “Palik sakhan hi khua pawng te ah a um, tuzing ah AA hriamtlai 40 hrawng an ra, meithal voi 4-5 hrawng an puah. Cun, sakhan-hmu an va auhter hna i meithal chuah ding in an fial. Sakhan-hmu nih a duh lo ruang ah an velh. Khuami 4 cu ramlak ah an kalpi hna, zinglei sml. 8:30 hrawng ah ramlak in meithal thawngpang kan theih chap. Sakhan tu cu an la rih lo. Meithal thawng an theih ruang ah Khuami pawl thinphang thlalau in an um ko” tiah a chim.

Zinglei sml. 4:30 ah AA nih suimilam cheu chung hrawng an kah hna. Cun, zinglei sml. 8:20 hrawng ah AA nih sakhan an rak kah, suimilam cheu chung hrawng kaphnih kar kahdohnak a chuak.

Zinglei sml. 4:50 hrawng ah Tan-taung khua in varal lei Wat-chuang khuate he meng 3 le farlong 5 hrawng aa hlatnak ah cozah ralkap le AA kahdohnak a chuak.

_Zalen; Narinjara

Latest News