A Tlaumi Faphir Nungak Ruak Irrawaddy Tiva Chung ah an Hmuh

| The Chin Journal | Hakha, Chin State

May 24 ah a tlaumi kum 19 faphir nungak hna cu kawlhawlnak an tuah hna hnu ah nihin zinglei ah minung pakhat i a rauk cu Irrawaddy tiva chung ah an hmuh, tiah theih a si.

Hi faphir unau hi Inwa khuahlun ah a ummi an si i, May 24 ah khan motorcycle in an unau in inn in an chuak i an ttin ti lo.

Sagaing donhlei cung ah an motorcycle an rak chiahtakmi an hmuh i, ti chung ah an zuang i a si kho tiin Irrawaddy tiva ah an kawl hna hi a si.

Nihin zinglei sml. 10:00 hrawng ah Sagaing donhlei he meng 4 hrawng a hlatnak tiva chung ah minung pakhat i a ruak cu an hmuh.

Asinian, pakhat deuh i a rauk hi atu tiang an hmu kho rih lo. Pehzul in kawlhawlnak an tuah cuahmah.

Zei ruang ah dah an unau in Sagaing donhlei cung in atu bantuk in an zuan timi zong theih a si rih lo.

Sagaing donhlei cung in hin nikum 2019 zong ah khan ti chung ah zuan in mahle mah i thahnawnnak voi 6 a rak chuak cang.

Cherhchan: 7Day News Journal

Latest News

News in Burmese