A Kehlei Kut a Kiakmi Ngakchia Pa Sibawi Nih a Orhlei Kut a Thlop| Video

| The Chin Journal | Hakha, Chin State

India ram, Bihar ah a kehlei kut a kiakmi kum 7 ngakchia pate cu sibawi nih a kehlei kut thloppiak loin a orhlei kut tu a thloppiak, tiah theih a si.

Ngakchia pate hi Faijan tiah theihmi a si i, Haikung cung in a tla i a khelei kut a kiah hi a si.

Ngakchia pa nih, “Ka kehlei kut hi a kiakmi cu a si tiah ka chimh ko hna nain ka bia an ngai lo. Ka orhlei tu ah Plaster an ka tuam,” tiah a chim.

Ngakchia pa hringtu a nu nih, “Daithlan taktak a si. Hlathlainak tha tein a kan tuahpiak a herh. Ka fapa fahnak zawn si loin a dangpi an thlop pin ah sii tlang khat te zong a kan pe lo,” tiah a chim.

Ngakchia pa nih a tonmi thil sining kong cu NDTV nih thawng a hun zamh tik ah Bihar ramkulh ngandamnak Minister Mangal Pandey nih tuanvo ngeitu sizung uk cu pumpak in a auh.

Cun, hi  kong ah hlathlainak tha tein tuah awkah timhlamhnak kan ngei tiah sizung tuanvo ngeitu pakhat a simi Dr. Raj Ranjan Prasad nih a chim.

Latest News

News in Burmese