A Darling Pa Namte in a Sawh Hnu ah “Ka Thihtak Rih Hlah” Tiah Ngaihthiam a Hal Thanmi Nu

| The Chin Journal | Hakha, Chin State

Maxico ram ah nungak pakhat nih a darling pa a paw nam in a sawh hnu ah a darling pa cu a hun kuh i “ka thihtak rih hlah” tiah ngaihthiam a hal.

Nungak tlangval aa duhmi ‘Erick’ le ‘Sonia’ cu nungak/tlangval sining tawn bantuk in, fak ngai in an i sik hnu ah namte sawhnak tiangtiang a hun chuah hi a si.

Namte a sawh hnu ah cun Sonia nih “a ka tukvelh, thah zong a ka timh” tiah a chim, cu lio ah cun Erick nih “thil hmaan ning tein chim ko” tiah a hun leh ve.

Cun, Sonia nih “Ka ngaithiam, ka thihtak rih hlah mu” a hun ti ah khin a darling pa cu a kuh. Kiangkap minung sin ah Erick nih “hi nu nih hin thah a ka duh” tiah a chim vial ah Sonia nih “thah kan tim lo, kan duh tuk, hi bantuk thil tuah ding hi ka ruahmi zong a si lo. Asinain nangmah na thil tuahmi zong cu chim ve hen” tiah a ti.

Kiangkap minung nih palik sin ah thawng an thanh. Tlawmpal ah palik cu an rak phan i siizung mawtaw a phak hnu ah Erick cu siizung ah an kalpi.

Erick cu lakhruak in operation an tuah khawh caah a nunnak ca thinphang a si ti lo tiah ramchung media nih a langhter. Sonia tu cu namte sawhnak case in palik nih an tlaih.

-Mirror

Latest News