2019 Vawleicung Nu Raltha Bik Cazin ah Myanmar Nu le Rohingya Nu an i Tel

| The Chin Journal | Hakha, Chin State

American ram, Foreign Affairs Department tawlrelnak in tuahmi ‘2019 vawleicung nu raltha bik’ cazin ah Myanmar rammi Kayin nu le Rohingya nu an i tel. Washington D.C, Foreign Affairs zung ah laksawng peknak puai zong tuah a si lai.

2019 ah minung 10 thim an hun si i Kayin nu Naw Ka Nyaw Phaw le Rohingya nu Razia Sultana zong an i tel ve.

Kayin nu hi remdaihnak lei ah a cawlcang ngaimi a si hlei ah Kayin Nu Zatlaang Bu (KWO) ah General Secretary a tuanmi a si. Ral a thawh lio ah nu pawl sex lei namneh le nu/pa thleidannak pawl biatak tein record a tuah hnu ah a dohdalhtu a si.

Bangladesh rammi, Razia Sultana zong hi Rakhine ram, Maungdaw khua ah Rohingya chungkhar in a chuakmi a si. A miphun hna covo kong ah biatak tein a cawlcang vemi a si. Sihni, Siang cachim le nuhrin covo lei ah biatak in a cawlcangmi a si.

Laksawng peknak puai cu March 7, Washington D.C, Foreign Affairs zung ah ramdang vuanci Mike Pompeo nih a tuah lai i American President Donald Trump nupi Melania Trump zong biatawi chimnak a ngei te lai.

-VOA

Latest News