2019 Thla 5 Fai Chung ah Chinram ah Accident in Minung 30 Leng an Thi

| The Chin Journal | Hakha, Chin State

Thla 5 faite chung ah Chin ramkulh chung ah motor khawndennak/motorcycle khawndennak in minung 31 an nunnak a liam, tiah Chin ramkulh palik zung cazin nih a langhter.

2019 January in July thlathawh tiang ah Chin ramkulh ah motor /motorcycle khawndennak voi 55 a chuak i minung 31 an nunnak a liam pin ah a dang minung 55 hliamhma an pu.

July 10 ah tuahmi Chin ramkulh cozah kum khat chung a tuanmi rian kong fianternak ah Chin ramkulh humhimnak le ramri kong tawlreltu vuanci Col. Han Win Aung nih, “Kum khat chung ah Chin ramkulh ah motor /motorcycle khawndennak in minung 56 an nunnak a liam,” tiah a langhter.

Atu bantuk in Accident a tam i thihlohnak zong a hun karhnak aruang bik cu mipi nih zulhphung i tlaih loin motor/motorcycle an mongh caah a si tia a langhter chap.

Kum khat chung ah phungphuar in motor/motorcycle a mongtu pawl tazacuainak case 2991 tiang a um i biaceih zung nih dantatnak a liamtermi hna phaisa hi azapi ah ting 900 MMK leng a si, tiah Col. Han Win Aung nih a chim.

Latest News