2019 Chung ah Vawleicung ah Khrihfa Missionary 29 Thah an Tong

| The Chin Journal | Hakha, Chin State

2019 kum khat chung ah vawleicung hmun tampi ah Missionary rian a ttuanmi minung 29 thah an tong, tiah Vatican Missionary Agency (Fides) nih a langhter.

Thah a tongmi Missionary 29 hi Roman Catholic nih a thlahmi Missionary pawl an si i, 2019 chung i a dang Protestant Missionary pawl nih a tonmi thil sining atu tiang fiang in langhter a um rih lo.

2019 chung ah RC Missionary chung in Africa vawleitthen ah minung 15 thah an tong; America vawleitthen ah minung 6 thah an tong i, a dang pawl hi Asia vawleitthen le Europe ah thah a tongmi an si hna.

Thah an tongmi Missionary 29 lak ah nu pahnih zong an i tel. 2018 chung ah vawleicung ah RC Missionary 40 thah an rak tong i atu kum hi thah a tongmi an tlawm deuh.

2018 lio zong ah khan Africa ah Missionary 21 thah an tong i Missionary pawl thah an tonnak a tamnak biknak hmun a si. 2019 zong ah Africa thotho hi Missionary pawl thah an ton a tam biknak hmun a si.

Cherhchan: Vatican News, Nenit, Mill Hill Missionaries

Latest News

News in Burmese