2008 Phunghrampi Remhnak Ca i Committee Sernak Kong ah Kan i Tel Lai lo Tiah Ralkap Nih an Ti

| The Chin Journal | Hakha, Chin State

2008 Myanmar ram phunghrampi remhnak ca i committee ser timhmi kong i ceihhmainak ah kan i tel lai lo tiah ralkap lei palai bohmu-chauk Maung Maung nih RFA ah a chim.

Committee ser ding in NLD nih Pyithaungsu hluttaw ah cathluan an chuahpi. Sihmanhsehlaw, ralkap lei nih cun; “hi kong ah zeihmanh kan i thlak lai lo” tiah an ti.

Hi kong he pehtlai in kanmah ralkap lei nih Pyithaungsu hluttaw haotu U Ti Khun Myat sin ah duhlonak catial kan langhter cang tiah bohmu-chuak Maung Maung nih a chim.

“Hi kong he pehtlai in zeiti hawih in dah thil kan kalpi lai timi kan chim kho rih lo” tiah a chim chap.

Committee sernak kong i ceihhmainak hmun ah ralkap palai pawl tel an tim ti lo nain USDP palai cheukhat nih duhlonak leikap in ceihhmainak ah tel an i tim.

RFA

Latest News