Palik nih a Vapa an Tliah Ruang ah a Nupi le a Fapate cu Mah le Mah Bomb Puahnak in an Nunnak i an La

| The Chin Journal | Hakha, Chin State

Indonesia ram, North Sumatra khua ah a ummi nu pakhat cu palik nih a vapa an tlaih ruang ah amah he a fapate he bomb in an i puah lawlaw tiah Sumatra National Police in bawi pakhat nih a chim.

A vapa hi ‘Husein’ tiah auhmi a si, sualpalhnak tuahtu tiah ruahdamhmi a si i March 12 ah palik nih a inn ah an va kal hnawh i an tlaih.

A thaizing (March 13) ah ralhriam pawl a um theo lai tiin an inn cu palik nih an kulh i chekhlainak tuah an tim. Cu ah cun, a nupi nih cun amah le mah i puah ding in bomb aa rak tlaih.

Suimilam caan sau nawn chung bomb chiah ding in an fial. Asinain a chia duh hlei lo, a hnu ah bomb cu a puahter lawlaw i a fapate he a hmun ah an thi.

“Kannu zeipaoh a tlamtling ko lai, keizong hika hin ka tlamtling dih ko, a sung pe ko law, ka fapate ka dawt tuk” tiah a nupi bomb aa tlaih lio ah Husein nih a ti ta rih.

Husein hi IS ralhrang cohlangtu JAD phu chungtel a si tiin an ruahdamh caah palik nih an tlaih hi a si.

-The Nation

Latest News