Yangon Lamkam ah a It i Palik nih an Lakmi Chin Pa an Hlam Cang

| The Chin Journal | Hakha, Chin State

March 10 zaanlei ah Yangon remtthen, Hlaing Tharya peng lamkam ah a itmi Tedim pa Pau Min Muam (20) cu Yagon i Tedim Khrihfabu Kalargyisu Baptish Church nih tuzan sml. 9:00 ah an vung lak khawh cang, tiah theih a si.

Pau Min Muam a tlaumi kong he pehtlai in atu zanlei sml. 6:30 ah Hlaing Tharya nitlaklei palik zung nih The Chin Journal a kan chawnh i Kawlca in le Laica in thawngzamhnak kan tuahpiak ve hna.

Hlaing Tharya palik sakhaan ttuanvo ngeitu pakhat nih, “Lamkam ah kan hmuh i kan char. Chinmi ka si a ti i, nanmah nih azeitilei tel in nan bawm kho hnga maw? Palik zung ah riah cu a relrem deuh lai lo caah atuzan ah rak hlam kho han sehlaw a ttha hnga” tiah a chim.

Pau Min Muam hi Yangon a phaknak a sau rih lomi a si i, North Dagon ah a tlungmi a si. Yangon Bus aa citnak ah ttumnak a thei ti lo i, Hlaing Tharya lei ah a vung lanh hi a si.

Pau Min Muam cu Tedim Khrihfabu tlamtling tein an lak khawh cang i a chungkhar nih vung don ding in an timhtuah cang.

Latest News

News in Burmese