ွSuh Kyi aa Thumhnak He Meng Khat Hrawng Hlatnak ah Meithal Kuan Tampi an Hmuh

| The Chin Journal | Hakha, Chin State

Magwe ah a tlawngmi Aung San Suh Kyi aa thumhnak hotel he meng khat hrawng a hlatnak hmun ah meithal kuan tampi cu May 10 zinglei ah an hmuh, tiah theih a si.

Nihin zinglei sml. 10:00 hrawng ah khan Magwe khua i Suh Kyi aa thumhnak hotel he meng khat a hlatnak ah a ummi Kyaukthar Park pawng i hmunthur bawm chung ah 5.56mm meithal kuanfang 782 an hmuh hi a si.

Hmunthur bawm ah an hmuhmi meithal kuan pawl

“Hmunthur bawm chung ah plastic in an funmi meithal kuanfang pawl kan hmuh. Plastic tom hnih an si i a tom khatnak ah kuan 430 an um. Cun, a tom hnihnak ah 352 an um. Mi nih an hlonhmi a si kho men,” tiah Magwe palikbawi Soe Thein Tun nih a chim.

Palik le ralkap i bawm in zei bantuk ralhriam sehzung nih dah hi kuan pawl hi an serchuahmi a si timi hlathlainak tuah an timh, tiah theih a si.

-Sandaw Ching

Latest News