Hakha Viewpoint Luh Man Tlawmpal an Lak Cang Lai

| The Chin Journal | Hakha, Chin State

Hakha Viewpoint le Myanmar Vice President Henry Van Thio Tower ah tlonlen a duhmi hna nih luh man tlawmpalte pek a si cang lai, tiah thawng an thanh.

September 29 ah Hakha City Master Plan Committee nih a sermi official facebook page ah atu bantuk in thawngthanhnak an tuah hi a si.

“Hakha City Development Committee (Myone Sipin) nawlchuahnak in Hakha Viewpoint le H.E. Mr Henry Van Thio Tower ah tlonlen a duhmi le khuacuanh a duhmi paoh caah ningcangte le zalawng tein tlonlen khawhnak le a thancho, a that deuh nakhnga sersiamnak caah minung luhman manfawi tein kholh a si cang lai,” tiah an langhter.

Zeitik ni thawk in dah luh man lak a si lai i luh man zeizah in dah lak a si lai timi bel fiang in thanh a si rih lo.

Latest News